InicioSociedadeA Montaña de Lugo, entre as comarcas galegas onde menos circulou o...

A Montaña de Lugo, entre as comarcas galegas onde menos circulou o virus

Pola contra, a comarca de Meira e a Mariña Oriental figuran como unhas das áreas con maior prevalencia, segundo un estudo elaborado polo Sergas.

PUBLICADA O

- Advertisement -

A Montaña de Lugo e maila Mariña Central son algunhas das comarcas galegas onde menos circulou o coronavirus, segundo os datos extraídos do estudo de seroprevalencia elaborado polo Sergas e presentado este mércores en rolda de prensa telemática. No outro extremo, a comarca de Meira e a Mariña Oriental figuran entre as áreas con maior prevalencia.

O informe ‘Estudo de seroprevalencia fronte á COVID-19 en Galicia’ foi realizado “cun intervalo de confianza do 95%” e fixérono público este mércores o director xeral de Saúde Pública, Andrés Paz-Ares Rodríguez; o director xeral de Asistencia Sanitaria do Sergas, Jorge Aboal, e o subdirector xeral de Información sobre Saúde e Epidemioloxía, Xurxo Hervada. Os seus resultados permítennos ter unha estimación de como circulou a COVID-19 por áreas xeográficas.

O SUESTE DA PROVINCIA, CON MENOS INCIDENCIA

Deste xeito, na análise efectuada por comarcas e agrupacións de comarcas, as zonas da Fonsagrada, Quiroga, Ancares e A Mariña Central en Lugo rexistraron unha prevalencia de entre o 0 e o 0,5%, ao igual ca as bisbarras coruñesas de Noia, Bergantiños, Xallas, Terras de Soneira e Betanzos. Estes valores non se detectaron en ningunha das comarcas das provincias de Ourense e Pontevedra.

Á súa vez, a Terra Chá, a comarca de Lugo, A Ulloa/Chantada e Sarria teñen unha prevalencia inferior ao 1%, un nivel que tamén se dá no Deza (Pontevedra); en Verín, O Ribeiro e Celanova (Ourense); e Fisterra, Muros, Ortegal, Eume, Ferrol, A Coruña, Melide, Arzúa e Ordes (A Coruña).

A MARIÑA ORIENTAL E MEIRA, MÁIS DO 1’5%

Pola contra, entre as áreas nas que, segundo o estudo da Xunta, se detectou maior circulación do virus  (máis do 1’5% de prevalencia) tamén aparecen algunhas zonas da provincia de Lugo, como a Mariña Oriental e Meira. No resto de Galicia, as áreas máis afectadas foron Vigo; as comarcas ourensás de Valdeorras, Trives, Viana, Caldelas, Allariz, Ourense e Carballiño; Tabeirós, en Pontevedra; e as bisbarras de Sar e A Barcala, na Coruña.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...