Anova propón a Fernán Vello como número 1 da candidatura lucense con Galicia en Común

Martiño Noriega tamén soaba para este posto, pero finalmente concorrerá pola provincia da Coruña.

Miguel Anxo Fernán Vello, deputado por En Marea no Congreso | Óscar Bernárdez
Miguel Anxo Fernán Vello | Óscar Bernárdez - Arquivo

A Coordinadora Nacional de Anova proporá ao exdeputado Miguel Anxo Fernán Vello como cabeza da candidatura por Lugo que a formación nacionalista compartirá coas mareas municipalistas e Galicia en Común.

Entenden que Fernán Vello é un “referente político, pero tamén cultural e literario”, que conta coa “máxima confianza dos homes e mulleres de Anova”, segundo o voceiro da formación, Antón Sánchez. A experiencia acadada tras dúas lexislaturas no Congreso avalaríano para esta aventura, en palabras de Sánchez.

O nome de Martiño Noriega tamén soaba para concorrer pola provincia lucense, pero finalmente foi confirmado para a provincia da Coruña, onde previsiblemente irá de número tres. Podes ler a información completa no Galicia Confidencial.

DEIXAR UN COMENTARIO

Please enter your comment!
Please enter your name here