Novo accidente dun quad cuxo conductor tivo que ser rescatado debaixo dun coche no Corgo

O persoal dunha ambulancia trata de estabilizar a un ferido nun accidente entre un coche e un quad / clm24.com

Un home que circulaba nun quad resultou ferido nun accidente rexistrado na noite deste martes e tivo que ser rescatado tras chocar cun turismo no termo municipal do Corgo (Lugo).

Segundo informou o 112 Galicia, o condutor ferido foi excarcerado polos Bombeiros de Sarria ao quedar atrapado debaixo do coche, para que fose atendido polos servizos sanitarios.

Os feitos sucederon no punto quilométrico 4 da estrada LU-546 sobre as 23,00 horas. Foi unha persoa particular a que contactou co 112 Galicia para avisar do accidente.

Despois de ter constancia, por parte do CIAE 112 Galicia púxose a situación en coñecemento dos Bombeiros de Sarria, da Garda Civil de Tráfico, de Urxencias Sanitarias de Galicia-061 e do servizo de mantemento da estrada.

En concreto, o 061 enviou ao lugar dúas ambulancias e un equipo sanitario de Atención Primaria que prestou asistencia a un menor que foi evacuado ao Hospital Universitario Lucus Augusti (HULA) de Lugo.