Dende este luns e ata o 29 de outubro poden solicitarse as axudas para a adquisición de material escolar e didáctico para alumnos e alumnas de educación infantil. Esta convocatoria, que foi publicada na Base de Datos Nacional de Subvencións, ten o obxectivo de colaborar na mellora da calidade educativa e na igualdade de oportunidades de todos os nenos e nenas do municipio.

Malia carecer ter competencias en materia de ensino, o executivo local adica nesta convocatoria 40.000 euros a estas axudas, un orzamento superior con respecto ao ano anterior. O programa facilita o acceso á educación a toda poboación en igualdade de condicións, contribúe a paliar as desigualdades e permite unha educación con mellores medios.

As bolsas escolares van dirixidas ao alumnado de segundo ciclo de educación infantil, matriculado en centros sostidos con fondos públicos. Por segundo ano consecutivo a contía individual será de 100 euros. Para acceder a ditas axudas o único criterio é a renda familiar, e é necesario que o alumno ou alumna estea censado en Lugo.

As bases poden consultarse no Boletín Oficial da Provincia do pasado sábado. O formulario está a disposición das persoas interesadas na área de Educación, situada no Centro de Convivencia Uxío Novoneyra, nas oficinas de Atención ao Cidadá do Concello, na web municipal e no propio BOP. As solicitudes deberán presentarse no Rexistro Municipal.