Un Breogán moi inferior perde unha oportunidade (95-62)

Os breoganistas foron apalizados dende o comezo e seguen penúltimos con oito vitorias

O Cafés Candelas Breogán perdeu na súa visita a Movistar Estudiantes no Wizink Center (95-62) na vixésimo sétima xornada da Liga Endesa e os madrileños recuperáronlle o average directo.

Pese ao 0-2 de Johan Löfberg na primeira xogada, o Breogán foi moi inferior dende aí. Movistar Estudiantes exhibiuse nas triplas e chegou ao descanso gañando 47-29. Os madrileños atopaban tiros factibles e amosábanse moito máis eficaces en ámbalas dúas pistas. Só aparecía o poderío de Volodymyr Gerun na pintura e dúas triplas de Alec Brown na primeira parte. Ray McCallum tentábao coas súas penetracións, pero estaba moi solo. Na segunda metade, non houbo partido até o 95-62 definitivo.

O máximo anotador breoganista foi Ray McCallum, con 26 puntos, seguido por Volodymyr Gerun, con 8.

Os lucenses son decimosétimos con oito vitorias, mesmos triunfos que UCAM Murcia, decimosexto e que salvaría a categoría arestora.

DEIXAR UN COMENTARIO

Please enter your comment!
Please enter your name here