Gipuzkoa Basket apaliza a un Breogán inocuo (100-65)

Os lucenses apenas competiron, foron amplamente superados dende os primeiros intres en tódolos aspectos do xogo, salvo no segundo cuarto coa dirección do base Ricardo Úriz cando o equipo se colocou a catro puntos de desvantaxe

Beka Burjanadze berra de velocidade despois dunha acción positiva. Foto de ACB.

Delteco Gipuzkoa Basket, colista con catro vitorias antes do partido, apalizou ao Cafés Candelas Breogán (100-65) dende os primeiros intres superando amplamente aos lucenses en tódolos aspectos do xogo. Os breoganistas foron unha caricatura en mans dun rival directo pola permanencia que, incluso, remontou o “basket average” da primeira volta, cando os lucenses venceron por 13 puntos.

Dúas triplas consecutivas de Miquel Salvó comezaron a abrir as primeiras diferenzas. O ala-pivote Beka Burjanadze, ex Basquet Coruña, exhibiuse dende o comezo.

Gipuzkoa rematou o primeiro cuarto xa cunha vantaxe de 15 puntos (32-17). A partir de aí, víronse os únicos minutos dignos do Breogán, cando, coa dirección de Ricardo Úriz, o equipo colocouse a catro puntos. Antes e despois, a nada. Ao descanso, 52-30 a prol dos donostiarras. No terceiro cuarto, sen atisbos da reacción dos lucenses, que só anotaron 12 puntos no terceiro período. O Breogán só foi quen de gañar por un punto o derradeiro cuarto para finalizar o marcador con paliza (100-65).

Beja Burjanadze, ex Básquet Coruña, foi o máximo anotador do partido, con 30 puntos.

Ricardo Úriz foi o breoganista máis valorado con 13 puntos, 4 asistencias e 1 rebote para 16 créditos valorativos.

DEIXAR UN COMENTARIO

Please enter your comment!
Please enter your name here