Matt Stainbrook despídese “triste” do Club Baloncesto Breogán, mais amósase “moi agradecido” e con “moi boas lembranzas”

Matt Stainbrook, celebrando o ascenso á Liga ACB. Foto de cbbreogan.com

Matt Stainbrook, pívot do Club Baloncesto Breogán durante as dúas últimas tempadas, anunciou no seu perfil de Twitter que non continuará no club breoganista a vindeira campaña.

Amosouse “triste” por non continuar nun sitio con “tan boas lembranzas”, mais “moi agradecido pola oportunidade”.

O pívot estadounidense promediou durante as dúas tempadas como breoganista 10.6 puntos, 6.4 rebotes, 1.7 asistencias, 0.9 recuperacións e 0.5 tapóns para 16 de valoración en 22´13″.

Os bases Ricardo Úriz e Christian Díaz; os escoltas Salva Arco e Sergi Quintela; o aleiro Johan Löfberg; e os pívots Emir Sulejmanovic, Volodymyr Gerun e Herve Kabasele, neste caso recuperándose dunha lesión, teñen contrato en vigor nun equipo no que continúa Natxo Lezkano como primeiro adestrador e Quique Fraga é o novo director deportivo.

DEIXAR UN COMENTARIO

Please enter your comment!
Please enter your name here