20.000 euros da Deputación para o FIV de Vilalba deste fin de semana

"Ademais de dinamizar socialmente a nosa provincia, ten un retorno económico importante para sectores como a hostalaría e o comercio", sostén o presidente da Deputación, José Tomé.

O presidente da Deputación de Lugo, José Tomei, asinou coa alcaldesa de Vilalba, Elba Veleiro, un acordo para o FIV de Vilalba. DEPUTACIÓN DE LUGO

A Deputación de Lugo destina 20.000 euros para a celebración do FIV de Vilalba, que terá lugar este fin de semana, con actuacións de grupos como Xoel López, Ortiga, A Ben Querida, Novidades Carminha e Zahara.

O presidente da Deputación de Lugo, José Tomé, asinou coa alcaldesa de Vilalba, Elba Veleiro, este acordo para unha cita que vai do 17 ao 19 de setembro.

“Ademais de dinamizar socialmente a nosa provincia, ten un retorno económico importante para sectores como a hostalaría e o comercio”, sostén Tomé.

Esta cita, que alcanza a súa 12ª edición despois de nacer en 2008, realizarase coas diferentes medidas anticovid cun formato adaptado aos condicionantes da pandemia. Haberá capacidade para un mínimo de 1.000 persoas e un máximo de 2.000.