Música clásica para restaurar os órganos da Catedral

A Catedral de Lugo acollerá este venres 10 un concertos para concienciar sobre a necesaria restauración dos órganos.

Órgano da Epístola da Catedral de Lugo / fiocorpuslugo.com

A Catedral de Lugo acollerá este venres, día 10 de xaneiro, o segundo dos concertos en favor da restauración dos órganos catedralicios. A actuación está prevista a partir das 20.30 horas.

Segundo informou o Bispado de Lugo, o concerto estará protagonizado polo organista italiano Giulio Mercati, acompañado do coro lucense ‘Solo Voces’, dirixido por Fernando Jácome. Nel, poderán escoitarse pezas de Mendelssohn, Brahms, Bach ou Fauré.

Esta iniciativa ten como finalidade sensibilizar sobre a “necesaria restauración, recuperación e conservación” dos órganos da Catedral de Lugo, e a “consecuente busca de fondos para levar a cabo a intervención”. A entrada será libre e gratuíta.