Un desprendemento de pedras e terra, aparentemente provocado polas copiosas choivas dos últimos días, cortou a estrada autonómica que comunica os municipios de Navia de Suarna e Becerreá, segundo informou a Garda Civil.
O desprendemento produciuse á altura do quilómetro 21 da estrada LU-722, concretamente no termo municipal de Navia de Suarna, ao redor das sete da mañá. Por mor dese desprendemento, a circulación quedou interrompida en ambos os sentidos da circulación durante un catro horas.
Ás 11:00 horas, o persoal de mantemento da Xunta de Galicia, que xa sinalizou o lugar, logrou abrir un dos dous carrís de circulación, o que permite o paso alterno de vehículos en ambos os sentidos.
SEN ESCOLA
Por outra banda, a Xunta de Galicia informou de que catorce alumnos quedaron hoxe sen clase na Montaña de Lugo, a pesar de que a situación de alerta amarela por acumulacións de neve de até vinte centímetros.
Non foi preciso suspender as clases en ningún colexio, aínda que si hai catro centros afectados, con diversa incidencia sobre as súas rutas de transporte escolar.
No CPI de Cervantes, dez alumnos faltaron hoxe clase; un no CPI Poeta Uxío Novoneyra, en Folgoso do Courel; dous no CPI Uxío Novoneyra, en Pedrafita do Cebreiro; e outro máis no CEIP de Samos.
Fontes do Subsector de Tráfico da Garda Civil en Lugo confirmaron a EFE que á primeira hora da mañá se podía circular con normalidade por todas as estradas da rede viaria principal da provincia.
