InicioMedioambiente e PatrimonioA Deputación será a primeira administración española en premiar a economía sostible

A Deputación será a primeira administración española en premiar a economía sostible

Os empresarios que realicen un aproveitamento sostible na Serra do Xistral recibirán compensacións económicas de Deputación e universidades

PUBLICADA O

- Advertisement -

Xornal da Mariña | A Deputación de Lugo vén de presentar á Xunta de Galicia o proxecto Life In Common Land, un programa de colaboración europeo liderado polo ente provincial para desenvolver medidas de aproveitamento sostible na Serra do Xistral. Este proxecto, centrado na xestión gandeira e a conservación dos hábitats naturais nos montes comunais, superou o primeiro ano de vida.

O vicepresidente provincial e deputado de Medio Ambiente, Argelio Fernández Queipo, trasladou o balance inicial durante o primeiro encontro de traballo coa directora xeral de Patrimonio Natural, Belén do Campo. Life In Common Land está dotado con dous millóns de euros, dos que 1,4 millóns proceden de fondos europeos; do restante, 212.000 euros da Deputación, 198.000 da Universidade de Santiago de Compostela (USC) e 100.000 da Universidade da Coruña (UdC).

As zonas de especial protección, como a Serra do Xistral, contemplan certas limitacións de uso e aproveitamento do territorio, que veñen impostas pola normativa vixente. Así, o obxectivo é ofrecer solucións a estas limitacións e mellorar a produción gandeira e forestal, empregando modelos de aproveitamento baseados nas experiencias dos usuarios dos montes, a fin de dotar o rural de oportunidades.

Once comunidades de montes

Xuntanza do proxecto Life In Common Land | Deputación de Lugo
Xuntanza do proxecto Life In Common Land | Deputación de Lugo

A particularidade de Life In Common Land é que serán os usuarios e propietarios os encargados de aplicar na Serra do Xistral as distintas medidas para o aproveitamento sostible deste espazo. Avaliado o cumprimento os obxectivos fixados, os empresarios recibirán compensacións económicas. Isto converterá a Deputación de Lugo na primeira administración en España en premiar economicamente as boas prácticas ambientais para a conservación dos hábitats protexidos.

O Life In Common Land ten un prazo de cinco anos para acadar melloras nunha extensión de preto de 6.000 hectáreas no Xistral, parte da Rede Natura 2000. Está previsto que as actuacións afecten aos termos municipais de Muras, Abadín, O Valadouro, Ourol e Viveiro.

Innovación nos sistemas agroforestais para acabar cos incendios

ÚLTIMAS

Coñece navegando o corazón da Ribeira Sacra

Os canóns do Sil son un dos monumentos naturais máis impresiontantes de Galicia. Son...

Terá Lugo nova estación de tren e autovía a Santiago en 2025?

O ministro de Transportes e Mobilidade Sustentable, Óscar Puente, garantiu este venres en Lugo que...

Adxudicada as obras de acondicionamento e mellora da LU-710 que conecta a N-V coa A-6, en Baralla

A Consellería de Vivenda e Planificación de Infraestruturas adxudicou por 2.302.355 euros a execución...

Falece o empresario José Rouco tras saírse da vía co seu vehículo e chocar contra outros dous estacionados

O empresario José Rouco perdeu a vida tras saírse da vía co seu vehículo...