InicioEconomíaO ocaso das grandes centrais térmicas de carbón do Noroeste

O ocaso das grandes centrais térmicas de carbón do Noroeste

Entre 2020 e 2030 serán desmanteladas as tres centrais térmicas de carbón que operan na comarca do Bierzo e no límite entre Lugo e A Coruña

PUBLICADA O

- Advertisement -

O Goberno prevé pechar nove das catorce centrais térmicas de cárbon operativas en xuño de 2020. O titular xerou gran inquedanza en varias vilas do Bierzo, comarca que vive a cabalo entre a decadencia das instalacións máis vellas e novos proxectos de biomasa, e asemade na contorna das Pontes, onde está ubicada a maior central desta clase.

As Pontes: mensaxe de tranquilidade

A apenas trece quilómetros de Xermade, a central das Pontes de García Rodríguez é a instalación produtora de enerxía térmica máis grande de España, con catro grupos para 1470 MW. Este xigante quedará á marxe dos peches se continúa a cumprir co calendario de redución de emisións.

Endesa inviste na actualidade douscentos millóns de euros para igualar os estándares europeos. O delegado do Goberno en Galicia, Javier Losada, aclarou con rotundidade que “vai seguir aberta porque cumpre a política enerxética europea e, ademais, está a facer obras para acomodarse á lexislación vixente”. Este extremo fora confirmado en xullo pola ministra para a Transición Ecolóxica, Teresa Ribera.

Losada explicou que executivo central ten un compromiso por adaptar o modelo enerxético ás consecuencias do cambio climático. Nese senso, di que o Goberno “non ten decisión de cerrar ningunha central”, senón que “ten a decisión de facer cumprir as directivas que ata o de agora non estaban vixentes en España”. Así, as térmicas que se axusten á política enerxética poderán seguir operando.

Así e todo, os plans do Ministerio pasan por eliminar as eléctricas de carbón con sistemas de desulfurización e desnitrificación para 2025, e en ningún caso prolongar a vida útil das grandes térmicas españolas alén de 2030. O escenario foi plantexado polo secretario de Estado de Enerxía, José Domínguez, ao afirmar que para esa data “non haberá ningunha central de carbón, pero o meu vaticinio é que van pechar bastante antes dunha maneira natural, e non porque as pechemos”.

Tendo en conta que a central de Meirama será retiradada da rede eléctrica en 2020, a desaparición das Pontes podería deixar a Galicia coma territorio deficitario na produción enerxética, segundo transmitiu o presidente da Xunta, Alberto Núñez Feijóo, despois da reunión coa ministra.

Compostilla e Anllares: desenlace inevitable

Central térmica de Anllares, no Bierzo | anllaresdesil.blogspot
Central térmica de Anllares | anllaresdesil.blogspot

A produción con carbón é responsable do 58 por cento das emisións na xeración eléctrica, un peso que condena a estes sistemas a deixar paso ás centrais de gas, na actualidade moi lonxe dos máximos aos que poden operar. Así as cousas, a térmica de Anllares (Páramo do Sil) conta xa co prace do Goberno para os trámites de desmantelamento, proceso que seguirá a de Compostilla (no encoro de Bárcena, Cubillos do Sil) logo de pechar como máximo en 2020.

O medio cento de empregados de Anllares ten un futuro complicado, que inclúe un conflito laboral que implica á subcontrata e que terán que dirimir os tribunais. Calquera iniciativa para devolver a actividade á zona chegará tarde para o plantel, a metade do cal accederá á prexubilación, mentres que o resto pasará a outros centros de Naturgy ou traballará no desmantelamento durante tres anos.

No caso de Compostilla, a corporación Endesa estudia converter as instalacións nun almacén loxístico para os parques eólicos da Península Ibérica. A eléctrica adiantou esta posibilidade dentro dun plan de acompañamento para o peche, ao que aínda haberá que engadir outras alternativas contempladas no estudio de diversificación. Endesa adquiriu en subasta vinte megavatios eólicos e ten previsto facerse con outros catrocentos na comunidade de Castela e León.

Así mesmo, os traballos de desmantelamento poden estenderse ata seis anos, polo que Endesa ten previsto ofertar 130 empregos para os operarios que non queran deixar a zona, recolocando con criterios de proximidade xeográfica aos outros 50 que operan na central.

ÚLTIMAS

Morre un home tras ser rescatado inconsciente dun río en Chantada

Un home faleceu na tarde deste martes tras ser rescatado inconsciente no embarcadoiro de...

Así quedou restaurado o mural de Lugo por Palestina tras ser atacado

"O pasado domingo 14 rematouse de pintar un mural en apoio a Palestina e...

Dous homes investigados por pescar troitas con electricidade no río Rodil

A Garda Civil investiga a un veciño da Fonsagrada, de 72 anos, e a...

Detidos dous veciños de Lugo acusados de roubar 200 quilos de cobre nunha empresa

A Garda Civil detivo en Vilalba a dous veciños de Lugo acusados de roubar 200 quilos...