Varios medios de extinción, terrestres e aéreos, foron mobilizados na noite do domingo ao luns por un incendio que xa está controlado e que queimou unhas 10 hectáreas en Vilalba. Segundo informa a Consellería do Medio Rural, o lume iniciouse na parroquia de Belesar sobre as 20.30 e quedou controlado ás 00.53 horas.

Ata o momento, traballaron neste incendio cinco axentes, dez brigadas, unha cuadrilla, nove motobombas, unha pa, dous avións e dous helicópteros. De acordo cos datos da Xunta, oito hectáreas son de monte raso, mentres que dúas son de superficie arborada.