InicioTerra CháCastro de ReiO alcalde de Castro de Rei traslada a súa preocupación ante o...

O alcalde de Castro de Rei traslada a súa preocupación ante o aumento de casos, máis de 50

O rexedor móstrase preocupado polos prexuízos que ocasionaría aos locais un aumento de restricións.

PUBLICADA O

- Advertisement -

O alcalde de Castro de Rei, Francisco Balado, mostrou a súa preocupación polo aumento de casos no municipio, que rexistra un total de 51 a data deste martes, e por se esta incidencia pode supor que o municipio pase ao máximo nivel de restricións.

“O importante é que os casos non vaian a máis. Se pechan o interior dos locais ocasionaría un gran prexuízo para a hostalaría”, afirmou o rexedor, que asegurou que está en contacto coa Consellería de Sanidade, pero que polo momento están á espera.

“Só nos queda tratar de seguir concienciando á xente de que cumpra as medidas”, comentou o rexedor tras a subida de casos de covid nas últimas semanas.

Os últimos datos do Sergas correspondentes a este martes indican que hai 51 casos activos coa enfermidade. A incidencia acumulada a 14 días supera os mil casos por cada cen mil habitantes.

Precisamente a semana pasada o concello pasou ao nivel alto de restricións. Os establecementos de hostalaría teñen unha capacidade do 30% no interior e do 75% na terraza, do mesmo xeito que o lecer nocturno, que está permitido tamén ao 75% no exterior.

Todos os establecementos deben pechar á unha da madrugada. Desde esa hora e ata as seis da mañá non se permiten reunións de non conviventes. Fontes do Sergas indicaron que algún brote está relacionado coa hostalaría. Ao mesmo tempo destacaron que os casos están practicamente acoutados.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...