- Advertisement -
Un condutor resultou ferido na madrugada deste domingo tras circular en sentido contrario pola A-6 e chocar contra un microbús á altura de Guitiriz, concretamente en Lagostelle, segundo informa o 112. Foi ao redor das 01.00 horas cando varios particulares alertaron á Central de Emerxencias de que viran un turismo circulando en sentido contrario, polo que se informou á Garda Civil.
Pouco despois, Urxencias Sanitarias de Galicia reportou que o vehículo chocara no quilómetro 534 cun microbús que cubría a ruta Mondoñedo-Vigo, e no que viaxaban unha vintena de persoas que resultaron ilesas. Con todo, no operativo tamén participaron o GES de Curtis e os servizos de mantemento da autovía, ademais do persoal sanitario que atendeu ao ferido.
