Unha persoa tivo que ser trasladada en helicóptero ao Hospital Lucus Augusti (HULA) tras recibir un disparo nunha perna durante unha xornada de caza en Becerreá. Segundo a información do 112 Galicia, o suceso produciuse sobre as 14.00 horas deste domingo no lugar de Bustelo e foron os profesionais de Urxencias Sanitarias de Galicia-061 os que deron a voz de alarma. Ata o punto mobilizouse o helicóptero medicalizado con base en Ourense e axentes da Garda Civil.