Unha peregrina necesitou ser evacuada en helicóptero este sábado ao resultar ferida tras sufrir unha caída mentres facía o Camiño en Pedrafita do Cebreiro. Segundo informa a Garda Civil, ás 14.15 horas o 112 solicita asistencia para a toma de terra dun helicóptero medicalizado por unha muller semiinconsciente tras caer da bicicleta na LU-633, punto quilométrico 9,500. Ás 15.15 horas, a muller foi evacuada ao hospital de Lugo (HULA) cun golpe na zona frontal do cranio.