Un condutor dun patinete eléctrico e un ciclista resultaron feridos na mañá deste luns, en Lugo, en respectivas colisións contra un coche. Segundo fontes do 112 consultadas por Europa Press, o primeiro caso sucedeu ao redor das 12.00 horas. Un turismo alcanzou ao condutor dun patinete eléctrico no quilómetro 1 da estrada LU-530, tal e como informou o Servizo de Urxencias Sanitarias de Galicia-061 á central de emerxencias. O home recibiu asistencia médica ao presentar feridas. O outro accidente ocorreu na Avenida Infanta Elena, no tramo final en dirección á estación de tren, onde se produciu un atropelo por un vehículo a un ciclista. Neste caso, un particular alertou ao 112 Galicia de que había un ciclista ferido no medio da vía, polo que necesitou asistencia sanitaria.

E.P.

+ postsBio ⮌

• E.P.

  Xunta e Deputación de Lugo avanzan no consenso sobre o anteproxecto da Lei de Administración Local
• E.P.

  Dous homes sentan no banco da Audiencia Provincial por unha pelexa con pa e aixada que acabou coa perda dun ollo na Fonsagrada
• E.P.

  Rueda “define” o xornalismo de proximidade como “preguntar, escoitar e contrastar” na entrega dos Puro Cora
• E.P.

  Case 400.000 euros para a mellora de estradas en Palas de Rei e A Pastoriza