A Policía Nacional investiga a conexión entre varios roubos que se produciron en diferentes domicilios da cidade de Lugo durante as festas de Nadal. A investigación, que aínda está en curso e baixo segredo, estuda a relación entre os roubos, dos que aínda non transcendeu o número. Si transcendeu que estes asaltos se produciron cando non había ninguén nos domicilios e mesmo unha das vivendas non ten residentes habituais. A forma de perpetrar os delitos foi forzando a fechadura, de forma similar en case todos os casos, e o valor do roubado varía, pero os ladróns centráronse principalmente en diñeiro e xoias. Xa que en todos os casos non había xente nos pisos, os asaltantes tomáronse o seu tempo para atopar o que buscaban.