O condutor dunha furgoneta resultou ferido este martes tras chocar o vehículo no que circulaba pola autovía A-54, ao seu paso polo municipio lucense de Guntín, contra un camión.
Segundo informou o 112 Galicia, foi o propio condutor de camión, que transportaba pedra, quen chamou á central de emerxencias minutos despois das 07.30 horas para explicar que unha furgoneta chocara contra o seu vehículo no quilómetro 16 desta vía.
Con estes datos, os operadores do 112 solicitaron a intervención do Servizo de Urxencias Sanitarias de Galicia-061, dos Bombeiros de Chantada, do GES de Friol-Palas, da Garda Civil de Tráfico e dos servizos de mantemento da estrada.
Finalmente, o ferido foi trasladado polos servizos sanitarios ao centro hospitalario de referencia.
