A Garda Civil investiga a once persoas por participar nun concurso de derrapes de vehículos celebrado este verán no centro urbano de Castroverde, na provincia de Lugo. A concentración pretendía “aglutinar aos amantes de vehículos tunning deportivos, motocicletas e todoterreo”, segundo informa.

Despois da celebración do evento, engade, os autores subiron varios vídeos ás redes sociais coas “conducións temerarias efectuadas polos condutores asistentes onde realizaban derrapes e queima de roda“.

Así mesmo, apunta que nestas conducións “en ocasións o acompañante viaxa coa porta aberta sacando o corpo ao exterior, con perigo para a súa integridade física e a seguridade do tráfico e a dos asistentes”.

A Benemérita explica, ademais, que nos vídeos obsérvase como á hora de realizar os derrapes hai “numerosos peóns preto do vehículo, nunha zona de acceso libre a pé, sen barreiras nin medidas de seguridade“.

INVESTIGACIÓN

Tras ver as imaxes, a Garda Civil iniciou unha investigación para determinar o día, hora, lugar e matrícula dos vehículos utilizados, identidade dos condutores e das persoas promotoras do evento.

Finalmente, os axentes conseguiron identificar a tres turismos e un quad xunto aos seus condutores, así como a dúas persoas como organizadores da concentración e outro cinco máis como colaboradores.

O once persoas, condutores, organizadores ou colaboradores, están investigadas como supostos autores dun delito contra a seguridade viaria. As dilixencias policiais foron postas a disposición do Xulgado de Primeira Instancia e Instrución de Garda de Lugo.