Efectivos da Policía Nacional detiveron este luns en Lugo a un home acusado de agredir cun coitelo a outro nunha liorta ocorrida na madrugada do domingo. En concreto, os feitos tiveron lugar ás portas dun local de lecer nocturno situado na rúa Amor Meilán, onde se iniciou unha discusión entre os dous homes. Nun momento dado, un deles sacou un coitelo e infrinxiu feridas ao outro.

A vítima foi trasladada ao Hospital Lucus Augusti, ademais de por os cortes, para ser asistido dun golpe que se deu na cabeza ao caer ao chan. Permanece ingresado, pero está fóra de perigo, segundo confirmaron fontes sanitarias. Foi a noiva do novo agredido a que denunciou os feitos, que se están investigando. A arma coa que supostamente se produciu a agresión foi localizada por persoal municipal de limpeza e entregada á Policíal.