InicioSucesosAtopan, grazas a cámaras de gravación, unha carteira perdida en Vilalba

Atopan, grazas a cámaras de gravación, unha carteira perdida en Vilalba

PUBLICADA O

- Advertisement -

A gravación dunha cámara de seguridade dun establecemento permitiu á Garda Civil de Lugo localizar unha carteira extraviada despois de que a súa propietaria acudise a denunciar o seu furto. Finalmente, foi localizada dentro dunha caixa na que caeu desde o mostrador.

A muller acudira á Garda Civil a denunciar o suposto furto da carteira, na que se atopaba a súa documentación e 2.000 euros en efectivo. Contou aos axentes que a carteira desaparecera do seu bolso mentres facía unhas compras e dixo que non tiña constancia de que se lle caera ou a deixou noutro lugar.

Iniciouse así unha investigación para tratar de esclarecer os feitos denunciados e poder devolver a carteira á súa lexitima propietaria, analizando os lugares polos que pasara. Para iso, os investigadores trasladáronse a un establecemento comercial onde estivera a muller e, tras visionar as cámaras de seguridade, non se apreciou que mostrase a carteira ou que alguén lla subtraese.

Máis tarde desprazáronse a outro local comercial de Vilalba e visionaron tamén as cámaras de seguridade. Na gravación podía verse como a muller sacaba a carteira do bolso, pagaba o artigo e, posteriormente, pousábaa nunha parte do mostrador.

Tras visionar repetidas veces as imaxes, os axentes déronse conta de que a carteira podía caerse accidentalmente do mostrador ao interior dunhas caixas. Nese momento, desprazáronse a esa zona do local e atoparon a carteira co diñeiro e a documentación no seu interior.

ÚLTIMAS

Carlos Blanco será o pregoeiro da XXIX Festa do Queixo de San Simón

Vilalba acolle esta fin de semana unha nova edición, e xa van vinte e...

Ofertan 100 prazas para labores de panadaría nunha compañía do sector da alimentación de Lugo

Adecco publicou este mércores unha oferta de emprego de 100 prazas para labores de panadaría nunha compañía...

Dous cabalos soltos en pleno centro de Lugo

A Policía Local de Lugo informou de que, o pasado 28 de marzo, localizou na Avenida...

Ferido un neno despois de ser atropelado en Baralla ao baixar do autobús escolar

Un neno resultou ferido este xoves ao sufrir un atropelo en Baralla. Segundo informou...