Un incendio calcinou case por completo o primeiro piso dunha vivenda na localidade lucense de Antas de Ulla, aínda que os ocupantes lograron saír e ninguén resultou ferido, informou o CIAE 112 Galicia.
A alerta foi dada sobre as 21,00 horas deste xoves por un veciño, que informou de que había unha casa ardendo na Avenida de Lugo deste municipio. Segundo relatou, o lume puido iniciarse na cheminea da vivenda e propagarse polo piso superior, e tamén confirmou que todos os ocupantes saíra do inmoble e estaban ilesos.
O 112 trasladou o aviso aos bombeiros de Chantada, ao GES de Monterroso e á Garda Civil. Os efectivos de extinción traballaron durante varias horas ata extinguir as chamas e confirmaron que o incendio calcinara o primeiro piso da vivenda, onde arderon varias habitacións.
