Dous menores e a súa nai tiveron que ser evacuadas na madrugada deste venres con síntomas de intoxicación por monóxido de carbono, probablemente provocados por unha mala combustión dunha caldeira na súa casa de Monterroso.

Segundo informa o 112 Galicia, ocorreu na parroquia de Esporiz pouco despois das 2,00 da madrugada. Nese momento, Urxencias Sanitarias-061 informaba á central de emerxencias de que había un posible escape de gas nunha vivenda e que unha nai e dúas fillas podían sufrir unha intoxicación.

Seguidamente, o 112 puxo en alerta aos bombeiros de Chantada, ao GES de Monterroso e á Garda Civil. Ao chegar á casa, situada en rúa Nova, ventilaron o inmoble e fixeron as correspondentes medicións.

Desta maneira, puideron confirmar que a mala combustión da caldeira que había na vivenda podía ser a causa da intoxicación. Os tres afectadas foron derivadas ao centro hospitalario de referencia.