Un operario tivo que ser trasladado ao hospital este venres tras sufrir un accidente cunha máquina radial que estaba a manexar e que lle produciu cortes no pescozo.
Os feitos sucederon nunha nave situada na rúa Salvador de Arotzarena, en Monterroso, sobre as 17,00 horas deste venres. No momento mobilizouse o helicóptero medicalizado do 061 con base en Santiago para atender e trasladar ao ferido. Tamén se solicitou a intervención de efectivos da Garda Civil e do GES de Monterroso.
