Un dos dous acusados por cometer abusos sexuais contra dous menores de idade na cidade de Lugo non acudiu ao xuízo que tivo lugar na sección segunda da Audiencia Provincial de Lugo, onde si compareceu o outro procesado, para o que Fiscalía pide case oito anos de cárcere.

Durante a súa comparencia na vista, este último, de nacionalidade romanesa, asegurou que coñecía ás vítimas a través do outro acusado, que se enfronta a unha petición de catro anos de cárcere por parte do Ministerio Pública.

Pola súa banda, as vítimas testificaron que acudiron voluntariamente á vivenda onde residía un dos acusados e que alí foron sometidas a tocamentos sen o seu consentimento.

Un día máis tarde, o 31 de outubro de 2018, as dúas vítimas desprazáronse ao hostal de San Roque onde vivía o procesado que si se presentou á vista xudicial. Alí, segundo a versión das denunciantes, foron sometidas outra vez a tocamentos.

Durante o seu testemuño, o procesado, que está en prisión por outra causa, asegurou que ten problemas co alcol, á vez que recoñeceu que o 31 de outubro foi recoller ás menores na estación de autobuses da cidade de Lugo.

Na súa declaración, o acusado afirmou que coincidira cos menores un “cinco veces anteriormente” e relatou que “bebían e fumaban porros”, o que lle levou a deducir que eran “maiores de idade”. Ademais en resposta á súa avogada, esquivou as preguntas da fiscalía, puntualizaba que en Rumania empézase a ter relacións sexuais “con 14 anos”.