Axentes da Garda Civil detiveron a tres veciños de Ferrol, como presuntos autores de nove delitos de roubo con forza de cable de cobre, así como do furto de gasoil, cometidos na provincia de Lugo.
Segundo informaron fontes do Instituto Armado, a investigación iniciouse o ano pasado ao terse coñecemento de varios roubos nas localidades de Vilalba e Guitiriz, onde os ladróns subtraeron cableado da iluminación pública en diversas rúas.
No marco deste operativo, a Garda Civil tamén constatou que os supostos autores deses roubos estaban detrás da subtracción de gasoil dos depósitos de combustible de camións estacionados no polígono Sete Pontes de Vilalba. Os sospeitosos foron identificados e detidos, e pasaron a disposición xudicial do xulgado de instrución número 2 de Vilalba (Lugo).
ROUBO DUN COMPUTADOR
Por outra banda, a Garda Civil tamén investiga a un veciño de Santiago de Compostela, de 30 anos de idade, como presunto autor dun roubo no interior dun turismo estacionado na localidade lucense de Trabada.
