InicioLugo e contornaDetida unha parella por agredirse mutuamente no marco dunha discusión en Lugo

Detida unha parella por agredirse mutuamente no marco dunha discusión en Lugo

PUBLICADA O

- Advertisement -

Axentes da Policía Local de Lugo detiveron a unha parella de mozas por agredirse mutuamente no marco dunha discusión na capital luguesa.

Segundo informou a Policía Local de Lugo, sobre as 1,30 horas deste 7 de xullo unha patrulla do Grupo Operativo Nocturno foi enviada á rúa Paseo do Estudantes porque un home e unha muller agredíanse mutuamente.

Os axentes desprazados acharon no lugar a un home de 28 anos de idade co “torso espido”, relatan as mesmas fontes, e “sen zapatos”, quen manifestou que momentos antes tivera unha discusión coa súa parella, por mor da cal se agrediron mutuamente con “diversos golpes”. Os policías observaron que presentaba “varias erosións no pescozo e cara”, engadiron.

A escasos metros, sinalaron as mesmas fontes, estaba a muller, da mesma idade, “moi nerviosa e alterada”, destaca a Policía Local, quen manifestou que discutira coa súa parella e chegaron a ameazarse e golpearse mutuamente. Segundo dixo, non era a primeira vez que ocorrían feitos similares.

Tras iso, os axentes procederon á detención de ambos e ao traslado do home a un centro sanitario e á muller ao Hospital Universitario Lucus Augusti (HULA) de Lugo para ser atendidos. Posteriormente foron levados a dependencias policiais para instruír dilixencias para o xulgado.

ÚLTIMAS

Colisión frontal en Lugo deixa tres persoas hospitalizadas

Tres persoas resultaron feridas e unha delas tivo que ser excarcerada tras unha colisión...

O Concello de Lugo reclama á Xunta a recuperación inmediata do antigo cuartel de San Fernando

O Concello de Lugo reclamou á Xunta que execute de inmediato a recuperación do...

A Deputación de Lugo impulsa unha campaña para apoiar ás familias na volta ao cole

A Deputación de Lugo e a Federación Galega de Comercio lanzaron este venres na...

Sorprenden un home roubando unha bicicleta rompendo a cadea cun machete en Lugo

Axentes da Policía Local de Lugo sorprenderon na mañá do xoves a un home...