A Policía Local de Lugo interceptou a un condutor que cuadriplicou a taxa máxima de alcoholemia permitida tras chocar con deus coches aparcado na cidade cun vehículo coa ITV caducada e sen seguro, o que supón multas que suman uns 1.700 euros.

Segundo informou a Policía Local, ás 4,40 horas deste 1 de xullo o equipo de Atetados da Policía Local acudiu á rúa Pascual Veiga por un accidente no que un vehículo chocou contra dous estacionados.

O condutor presentaba “signos de embriaguez”, destacan as mesmas fontes, polo que foi sometido ás probas de detección alcohólica nas que obtivo positivo de 1,1 mg/l, que supón catro veces máis que a taxa máxima permitida.

Por iso, instruíronse dilixencias por delito contra a seguridade viaria e comprobaron os axentes que o vehículo carecía de seguro obrigatorio e o titular non pasara a ITV no prazo debido. Por iso abríuselle expedientes sancionadores con multas de 1.500 e 200 euros respectivamente por estas infraccións.