InicioSociedadeDous detidos por tráfico de drogas nunha redada en clubs de alterne...

Dous detidos por tráfico de drogas nunha redada en clubs de alterne de Lugo

O dispositivo saldouse coa identificación de 52 persoas, das que 32 eran mulleres que se atopaban en varios clubs.

PUBLICADA O

- Advertisement -

A Policía Nacional levou a cabo unha redada en clubs de alterne da provincia de Lugo no marco da que foron detidos dous homes por tráfico de drogas e incautadas máis de 200 dose, ademais de ser localizadas catro mulleres en estancia ilegal.

Segundo informou a Policía Nacional, axentes adscritos á Comisaría Provincial de Lugo, encargados da investigación dos delitos relacionados coa Estranxeiría, levaron esta operación policial destinada á loita contra a explotación sexual, mendicidade forzada e delincuencia forzada.

Esta redada, detalla a Policía, enmárcase dentro os días de acción conxunta Empact TSH 2021, coordinada por Europol e liderada por España para “favorecer a estreita colaboración entre os estados membros da UE“.

Entre os obxectivos a desenvolver, detalla a Policía, atópase a identificación de sospeitosos e detencións en relación á trata de seres humanos cos fins antes sinalados, así como a identificación e protección das vítimas, incautación de bens de orixe delituosa, prevención e loita contra os casos de falsificación de documentos e o desenvolvemento de novas investigacións.

Os funcionarios policiais da Brigada de Estranxeiría da Comisaría da Policía Nacional de Lugo organizou o dispositivo en varios clubs de alterne da provincia de Lugo, que contou coa colaboración de efectivos da Inspección de Traballo e Seguridade Social, grupo operativo de policía xudicial de drogas e indicativos de seguridade cidadá da Comisaría Provincial de Lugo.

O dispositivo saldouse coa identificación de 52 persoas, das que 32 eran mulleres que se atopaban en varios clubs de alterne da provincia de Lugo e catro delas atopábanse en situación irregular en territorio español.

Por parte do grupo operativo de drogas practicouse a detención de dúas persoas por tráfico de estupefacientes nun club de alterne e realizado tres actas de intervención de estupefacientes a tres mozas que exercían a prostitución. En total interviñéronse 250 doses de cocaína, así como diversos útiles destinados á venda de droga e diñeiro en efectivo por importe de 2.000 euros.

ÚLTIMAS

O BNG insta o Senado a rexeitar o proxecto de Altri tras o “clamor social” manifestado en Palas de Rei

A senadora do BNG, Carme da Silva, defenderá esta semana unha moción no pleno da Cámara...

Tres feridos nun accidente entre un turismo e un camión en Vilalba

Tres persoas resultaron feridas este luns nun accidente de tráfico rexistrado na autovía A-8...

Paula Alvarellos reactiva os contactos co IGVS sobre os proxectos de Casa Torre, Dona Urraca e O Castiñeiro

A alcaldesa de Lugo, Paula Alvarellos, retomou as conversacións co Instituto Galego de Vivenda e Solo para avanzar...

Destinaranse tres millóns de euros ó proxecto de reforma do estadio Anxo Carro

A Xunta de Galicia espera licitar en xaneiro de 2025 a obra de reforma...