InicioSucesosFamiliares dos mortos no crime do Cash Récord asistirán á declaración do...

Familiares dos mortos no crime do Cash Récord asistirán á declaración do principal sospeitoso

O acusado é un hostaleiro que reside agora en Burgos e que en abril de 1994 rexentaba o bar Los Ángeles na rúa Nova de Lugo.

PUBLICADA O

- Advertisement -

Os familiares do dobre crime do Cash Récord, ocorrido en 1994 no polígono industrial do Ceao, en Lugo, acudirán á declaración do principal sospeitoso, un hostaleiro que reside agora en Burgos, que está prevista para o vindeiro martes, 13 de xullo (10,30 horas).

A titular do xulgado de primeira instancia número un de Lugo, que leva a investigación, chamou a declarar a este home que no momento dos feitos, en abril de 1994, rexentaba o bar Los Ángeles na rúa Nova de Lugo.

Unha toma de declaración que Isabel López, a irmá dunha das vítimas, vive cun “certo alivio”, pois por fin faise “caso” ás familias.

“A ver que resulta desa declaración, que seguro que vai achegar cousas. É como unha pequena vitoria e estamos moi contentos”, subliñou Isabel López, que foi quen descubriu os cadáveres do repoñedor do Cash Récord, Esteban Carballedo, e da súa irmá, caixeira no negocio almacenista, pasadas as oito da tarde dese 30 de abril de 1994.

Avanza que a súa “intención” é acudir ao xulgado o día da declaración. “Sempre dixen que lle quería pór cara (ao presunto asasino) porque non o coñecía. Cando chegue (ao xulgado) quero estar alí e que me vexa”, ha afirmdo.

As familias das vítimas sospeitaban desde hai tempo dese hostaleiro polos moitos “indicios” recollidos durante unha investigación “errada” desde o primeiro momento por parte da Policía Nacional.

“Agora dannos a razón, e ademais no xulgado vanlle imputar outros casos. Posiblemente si que sexa el“, sostén.

Isabel López asumiu, desde a morte da súa irmá, a tutela dos seus dous sobriños, quen apoiaron seguir coa presión xudicial para identificar o asasino da súa nai.

ÚLTIMAS

Traballadoras da limpeza dea Lugo protestan ante o Parlamento pedindo a mediación da Xunta

Traballadores do sector da limpeza de Lugo trasladaron a súa protesta este martes ás...

Xaneiro, a data para poñer en marcha os servizos do centro integral de Saúde en Lugo

O conselleiro de Sanidade Julio García Comesaña avanzou en sede parlamentaria a posta en...

Interceptan en Lugo a un home circulando sen permiso de condución

A Policía Local de Lugo interceptou este luns a un home que circulaba pola cidade e...

A Deputación de Lugo traslada á Plataforma Pro Residencia de Becerreá a súa “vontade” de abrir o centro canto antes

O deputado de Promoción Económica e Social, Pablo Rivera, reuniuse este luns no Pazo...