José Manuel Leal, pai de Desirée, a nena que foi atopada morta na súa cama o 3 de maio de 2019 en Muimenta, municipio de Cospeito, prevé que o xuízo –con tribunal de xurado– se celebre “máis ou menos” no mes novembro, segundo a información que lle trasladou a Audiencia Provincial de Lugo.

Así, insiste en que pedirá a prisión permanente revisable para Ana Sandamil, a súa expareja e nai da nena, investigada pola morte da menor. Á nena atopárona falecida os sanitarios dunha ambulancia tras unha chamada da avoa, a nai da súa exparella. A autopsia considerou probado que a morte se producira por asfixia mecánica cunha almofada ou similar sobre a boca da nena mentres estaba na cama.

Agora, Leal sinala que o crime ocorrido en Canarias, co asasinato dun pai das súas dúas fillas, fíxolle revivir o ocorrido ao ter “moitos recordos” con “este tipo de barbaridades que fan monstros, porque iso non o fai un persoa”. “Pagar nunca van pagar polo que fixeron, pero polo menos que pasen toda a súa vida no cárcere”, sostén. En opinión de Leal, “a prisión permanente revisable tería que ser cambiada pola cadea perpetua”.