EFE. Medios aéreos da Garda Civil súmanse desde hoxe á procura dun home desaparecido no municipio lucense de Navia de Suarna, despois de que a súa familia denunciase a súa falta durante o fin de semana.
Segundo informaron a EFE fontes da Garda Civil, trátase dun home dun cincuenta anos que desapareceu no lugar de Ventoso, no municipio de Navia de Suarna, na Montaña lucense.
A familia denunciou a súa desaparición ante a Garda Civil a última hora da tarde do sábado -1 de maio-, aínda que se sospeita que o home pode levar desaparecido “ao redor duns dez días”, subliñan as mesmas fontes. Para tratar de localizalo, púxose en marcha un dispositivo de procura no que participan axentes da Garda Civil, veciños e membros doutros servizos de emerxencias.
Na xornada de hoxe incorporaranse aos labores de rastrexo un helicóptero e drones da Benemérita.
