Un home duns 73 anos de idade faleceu na tarde deste martes pasado ao atragoarse cun anaco de froita que comía no seu domicilio da cidade de Lugo.

Segundo relataron fontes policiais, minutos antes das 19,00 horas a Policía Nacional recibiu o aviso do 112 Galicia de que unha persoa que ceaba no seu domicilio atragoouse cun anaco de froita.

Foi a muller do septuaxenario a que chamou ao servizo de emerxencias 061, que lle indicou que tiña que facer pero, a pesar dos seus intentos, cando o persoal sanitario chegou á vivenda o home estaba falecido.

Os feitos sucederon nun domicilio situado na rúa Marqués de Ombreiro en Lugo. Tras recibir a chamada de alerta, o 112, ademais, avisou á Policía Nacional e á Policía Local.