Unha muller resultou ferida esta tarde de xoves nunha explosión ocorrida nunha vivenda situada na rúa Becerreá da cidade de Lugo.

Segundo informa o 112 Galicia a Europa Press, un particular alertou ás 17:00 horas dunha explosión ocasionada por unha cociña de butano e que rematou por dar lugar a un incendio. Así, procedeuse a evacuar no edificio e alertouse de que unha muller estaba ferida con queimaduras. Ata o lugar desprazouse unha ambulancia para evacuar a vítima.

Foron avisados, entre outros, os bombeiros de Lugo, Policía Nacional, Policía Local e Protección Civil. Tras finalizar a intervención, os bombeiros confirmaron que se tratou dunha explosión nunha cociña de butano e que os tabiques da casa resultaron danados.

E.P.

+ postsBio ⮌

• E.P.

  Os bombeiros intentan sufocar un incendio en Xermade
• E.P.

  Xunta e Deputación de Lugo avanzan no consenso sobre o anteproxecto da Lei de Administración Local
• E.P.

  Senadores do PP de Lugo sinalan que o Goberno non acometerá a rehabilitación da N-120
• E.P.

  Dous homes sentan no banco da Audiencia Provincial por unha pelexa con pa e aixada que acabou coa perda dun ollo na Fonsagrada