Un total de seis persoas, tres adultos e tres nenos, foron evacuados a un hospital por mor dun incendio orixinado de madrugada nunha vivenda de Baralla. Á primeira hora da mañá, os servizos de emerxencias aínda traballaban no lugar.
Segundo información da que dispón o 112 Galicia, todo comezou ás 5,30 horas, cando a central recibiu a chamada de alerta dunha persoa particular que indicaba que un lume consumía por completo unha vivenda da parroquia de Penarrubia, concretamente no lugar da Revolta.
Así, o 112 puxo a situación en coñecemento de Urxencias Sanitarrias-061, dos bombeiros de Sarria e dos GES de Becerreá e de Baralla. Tamén foron informados os axentes da Garda Civil. Finalmente, os servizos sanitarios confirmaron o traslado de tres adultos e tres nenos ao Hospital Universitario Lucus Augusti (HULA) de Lugo.
