Dúas familias foron rescatadas polos servizos de emerxencias despois de quedar atrapadas pola neve nos seus vehículos no Alto da Baña, no municipio lugués de Cervantes. Os afectados, catro adultos e tres menores, chamaron ao 112 Galicia minutos antes das 22,00 horas do sábado para pedir axuda ante a imposibilidade de avanzar ou retroceder cando circulaban pola estrada que une O Piornedo e Lugo.
En primeiro lugar, as familias foron axudadas polos voluntarios de Protección Civil da localidade, que lograron sacar da neve uno dos coches e trasladar ás familias a unha zona segura, desde onde retomaron a viaxe a Lugo.
Mentres tanto, segundo detalla o CIAE 112 Galicia, un familiar dos afectados chamou ao 112 alertado pola falta de noticias da súa filla, xenro e neta, que viaxaban desde Navia de Suarna a Lugo. Os xestores do 112 comprobaron a coicidencia dos datos e puxeron ao pai en contacto co operativo de rescate destas dúas familias.
