Dous homes de Lugo, de 56 e 62 anos de idade respectivamente, foron detidos pola Policía Nacional como autores dun delito de saúde pública ao vender pastillas de Trankimazín no centro da cidade. 

Segundo o corpo de seguridade, os dous detidos utilizaban a mozos para a distribución deste medicamento, que portaban en pequenas cantidades. Logo diso, vendíanas por Lugo a un prezo de catro ou cinco euros por unidade. Os mozos cómplices recibían a cambio parte do botín ou incluso teléfonos móbiles, como foi o caso dun deles.

Os feitos ocorreron a semana pasada tras varios dispositivos de desarticulación de puntos de venda de drogas e logo de persistir as queixas veciñais. Despois da pertinente investigación, con longas vixilancias e un innumerable número de declaracións e testemuñas, púidose determinar a autoría do feito e a imputación do delito aos agora detidos.