InicioSucesosDous presos protagonizan un intento de fuga no cárcere de Monterroso

Dous presos protagonizan un intento de fuga no cárcere de Monterroso

A Garda Civil interceptounos cando pretendían sortear o muro.

PUBLICADA O

- Advertisement -

Dous internos da prisión de Monterroso tentaron fuxir do cárcere na madrugada deste venres, pero o intento de evasión foi interceptado por efectivos da Garda Civil no propio muro do centro.

Segundo confirmaron fontes penais, trátase de dous presos “comúns” e “non especialmente perigosos” que se atopaban no segundo grao penal.

Na madrugada deste venres, os dous presos, que “non tiñan un comportamento especialmente conflitivo”, saíron da cela e foron interceptados por axentes da Garda Civil cando tentaban sortear o muro.  Un deles resultou ferido nunha perna polo que foi trasladado ao Hospital Lucus Augusti, mentres que o outro fuxido xa está “custodiado” no cárcere de Monterroso.

Agora ambos presos serán illados, ata que Institucións Penais resolva a investigación sobre este intento de fuga. O que xa apuntan fontes da prisión é que probablemente “serán trasladados a unha prisión de máxima seguridade“.

Nos anos que leva funcionando o cárcere de Monterroso aínda non se produciu ningunha fuga con resultado positivo.

+ posts

ÚLTIMAS

A residencia das Gándaras, en Lugo, supera os 9 millóns de investimento: máis habitacións individuais e melloras na seguridade

O Goberno galego deu luz verde este luns ao expediente de gasto da modificación...

Dous anos de prisión e multa de 2.195 euros por tentar introducir cocaína e haxix no cárcere de Bonxe

Unha moza acusada de tratar de introducir cocaína e haxix no centro penitenciario de...

Detidas dúas persoas en Lugo por cometer furtos en establecementos comerciais

Axentes da Policía Nacional de Lugo detiveron a un home e a unha muller...

OPINIÓN: Os que quedaron: memoria, ausencia e emigración no Día de Defuntos

Cada comezo de novembro, os cemiterios galegos énchense de flores, de visitas e de...