InicioSociedadeA policía cólleo saltando un semáforo en vermello e comproba que vai...

A policía cólleo saltando un semáforo en vermello e comproba que vai ebrio

Aconteceu en Lugo. O condutor foi multado con 200 e unha pena de cárcere de ata 6 meses.

PUBLICADA O

- Advertisement -

O condutor dun vehículo en Lugo foi sancionado con 200 euros de multa e catro puntos do carné de conducir por saltarse un semáforo en vermello e, ademais, enfróntase a entre tres e seis meses de prisión tras triplicar a taxa de alcol máxima permitida. Tamén se lle retirará o permiso de circulación.

Segundo informou a Policía Local, sobre as 2,20 horas deste mércores, unha patrulla do operativo nocturno observou que un vehículo, que circulaba pola rúa Montefaro, “non respectou a luz vermella do semáforo”, situado na confluencia coa avenida Infanta Elena.

Desta maneira, os axentes déronlle o ‘alto’, o que lles serviu para comprobar que o condutor presentaba signos de embriaguez, polo que foi sometido ás probas de detección de alcol. Así, arroxou un resultado positivo de 0,70 mg/l, o que significa tres veces máis a taxa máxima establecida.

Así, instruíronse dilixencias por un delito contra a seguridade viaria na modalidade de xuízo rápido.

SANCIÓNS E PENAS

Finalmente, o condutor foi sancionado por non respectar a luz vermella do semáforo con 200 euros e a retirada de catro puntos do permiso de conducir.

Ademais, enfróntase a unha pena de tres a seis meses, e á multa de seis a 12 meses ou traballos en beneficio da comunidade de 31 a 39 días.

En calquera caso, estará privado do dereito a concudir vehículos de motor por tempo superior a un ano e ata catro anos.

ÚLTIMAS

O PP de Lugo acusa ó goberno local de “improvisación” e “falta de xestión” na regularización de terrazas

O PP de Lugo acusou este sábado ao goberno local de "improvisación" e "falta...

Falece un home de 62 anos tras chocar o seu vehículo contra unha árbore en Abadín

Un home de 62 anos faleceu á primeira hora deste sábado nun accidente de...

Un condutor borracho e drogado foxe tras ter un accidente e choca contra seis coches aparcados na rúa das Fontes

Un condutor ebrio foi interceptado pola Policía Local tras fuxir dun accidente e chocar contra seis...

O PP pide ao Goberno que “amplíe prazos e orzamentos” para a rehabilitación dos barrios da Milagrosa e Feijóo con fondos europeos

A presidenta provincial do PP de Lugo, Elena Candia, e a deputada lucense no...