Cinco persoas dunha mesma familia foron rescatadas do interior dun ascensor avariado nun edificio da cidade de Lugo na noite do pasado xoves.

Segundo informou a Policía Local de Lugo, ás 22,10 horas do pasado día 27 axentes do Grupo Operativo Nocturno acudiron a unha vivenda na rúa Santo Graal xa que había varias persoas atrapadas no interior dun ascensor avariado.

Unha vez no lugar, en compañía dunha dotación do servizo de bombeiros e persoal da empresa de mantemento do ascensor, procedeuse a liberar ao cinco persoas atrapadas, que resultaron ser membros dun mesmo núcleo familiar.

Para o rescate, concretou a Policía Local, foi necesario forzar a porta de acceso á sala de máquinas, desde onde se manipula o funcionamento do aparello, xa que non foi posible localizar a chave, puntualizaron as mesmas fontes.

E.P.

+ postsBio ⮌

• E.P.

  O PP de Guitiriz leva aos tribunais á alcaldesa por suposta falsidade documental e cobro indebido de dietas nunha viaxe privada a Portugal
• E.P.

  O PP de Lugo reclama garantir a seguridade na Milagrosa cunha actuación “firme”
• E.P.

  Palas de Rei acolle a primeira celebración cidadá polo “non” a Altri
• E.P.

  O PP de Vilalba condena o novo ataque ao busto de Manuel Fraga