InicioSucesosDenunciado por negarse a usar a máscara cando recibía diálese nunha clínica

Denunciado por negarse a usar a máscara cando recibía diálese nunha clínica

Segundo lles dixo aos axentes, non era capaz de "aguantala as catro horas" que tiña que estar alí, a pesar de ser advertido de que estaba nun lugar onde, como el, había persoas de risco.

PUBLICADA O

- Advertisement -

A Policía Local de Lugo denunciou a un individuo por negarse a usar máscara mentres recibía tratamento de diálese nunha clínica da cidade de Lugo.

Segundo relatou a Policía Local, ás 12,16 horas do pasado 25 de agosto a Sala do 092 recibiu aviso desde unha clínica de diálese da cidade sobre a presenza dunha persoa que se negaba a usar máscara.

Por iso, acudiu unha patrulla ao lugar de Policía de Barrio e comprobou que a persoa que se negaba a usar máscara “estaba a recibir tratamento de diálese nese momento”, polo que procederon a requirilo para que a puxese, ante o cal se negou en repetidas ocasións.

Segundo lles dixo aos axentes, non era capaz de “aguantala as catro horas” que tiña que estar alí, a pesar de ser advertido de que estaba nun lugar onde, como el, había persoas de risco.

Ante a “negativa persistente” do suxeito, indicaron as mesmas fontes policiais, os axentes realizaron acta denuncia por incumprimento de medidas preventivas.

Ademais, informaron o persoal médico do centro de que a decisión de permanente do individuo no mesmo “non se pode basear en criterios policiais senón sanitarios”, polo que “debe decidir o facultativo correspondente se prioriza a protección do resto de usuarios do establecemento ou o tratamento que ha de recibir o propio suxeito”.

ÚLTIMAS

Carlos Blanco será o pregoeiro da XXIX Festa do Queixo de San Simón

Vilalba acolle esta fin de semana unha nova edición, e xa van vinte e...

Ofertan 100 prazas para labores de panadaría nunha compañía do sector da alimentación de Lugo

Adecco publicou este mércores unha oferta de emprego de 100 prazas para labores de panadaría nunha compañía...

Dous cabalos soltos en pleno centro de Lugo

A Policía Local de Lugo informou de que, o pasado 28 de marzo, localizou na Avenida...

Ferido un neno despois de ser atropelado en Baralla ao baixar do autobús escolar

Un neno resultou ferido este xoves ao sufrir un atropelo en Baralla. Segundo informou...