Unha persoa resultou ferida de gravidade esta mañá tras saírse da vía o coche que conducía no municipio de Lugo. Foi evacuada nunha UVI Móbil ao Hospital Universitario Lucus Augusti ( HULA).
Segundo informaron a EFE fontes do Centro Integrado de Atención ás Emerxencias de Galicia (CIAE), o accidente produciuse ás 09:20 horas da mañá, á altura do quilómetro 91 da estrada Nacional-640. Unha particular avisou a través do 112 do sinistro, ademais de informar de que a persoa que viaxaba no coche accidentado estaba “inconsciente”.
Para auxiliar a vítima desprazáronse ata o lugar dúas ambulancias, xusto antes de que fora evacuada ao HULA nun vehículo de Soporte Vital Avanzado.
Tamén foron avisados do accidente a Garda Civil de Tráfico, a Policía Local, a agrupación de voluntarios de Protección Civil, os Bombeiros da cidade e o persoal de mantemento da vía.
