InicioLugo e contornaLugoDetido un home por unha agresión sexual a unha muller en Lugo

Detido un home por unha agresión sexual a unha muller en Lugo

Os axentes céntranse en pescudar se se trata dunha agresión consumada ou en grao de tentativa.

PUBLICADA O

- Advertisement -

A Policía Nacional detivo a un home maior de idade por un delito de agresión sexual contra unha muller, tamén maior de idade, na cidade de Lugo a pasada noite de venres.

O home foi detido a mañá do sábado, despois de que atacase a muller e a agredise sexualmente. Agora mesmo, o caso atópase en proceso de investigación e os axentes céntranse en pescudar se se trata dunha agresión consumada ou en grao de tentativa.

Dos feitos informaron fontes da Policía Nacional, á vez que comunicaron que o home se atopa nos calabozos e, probablemente, pasará a disposición xudicial ao longo do luns.

A muller agredida tivo que ser traslada ao Hospital Lucus Augusti (HULA), onde os sanitarios a atenderon e trataron de tranquilizala. Alí tamén foi asistida por médicos forenses para realizarlle diversas probas, necesarias cando se trata dun caso como leste.

O suceso tivo lugar no barrio da Fervedoira, nunha vivenda á que acudiron tanto a Policía como os servizos de emerxencias para intervir, deter o home e asistir a muller.

O presunto agresor está pendente de seguir os trámites de declaración mentres espera a pasar a disposición xudicial nos calabozos da comisaría da Policía Nacional de Lugo.

ÚLTIMAS

Colisión frontal en Lugo deixa tres persoas hospitalizadas

Tres persoas resultaron feridas e unha delas tivo que ser excarcerada tras unha colisión...

O Concello de Lugo reclama á Xunta a recuperación inmediata do antigo cuartel de San Fernando

O Concello de Lugo reclamou á Xunta que execute de inmediato a recuperación do...

A Deputación de Lugo impulsa unha campaña para apoiar ás familias na volta ao cole

A Deputación de Lugo e a Federación Galega de Comercio lanzaron este venres na...

Sorprenden un home roubando unha bicicleta rompendo a cadea cun machete en Lugo

Axentes da Policía Local de Lugo sorprenderon na mañá do xoves a un home...