InicioSucesosDetido un home con orde de expulsión do país nun control policial...

Detido un home con orde de expulsión do país nun control policial de ‘afters’

A Policía Nacional destacou que "o dispositivo establecido na zona dá lugar a unha maior tranquilidade dos veciños".

PUBLICADA O

- Advertisement -

Axentes da Policía Nacional adscritos ao servizo de Radiopatrullas da Brigada de Seguridade Cidadá de Lugo interviñeron de novo nun dos locais de copas que operan de madrugada na zona da rúa Tui. No marco deste dispositivo de control de ‘afters’ foi detido un individuo con orde de expulsión do país.

Segundo informou a Policía Nacional, nesta ocasión, os policías xa estaban polo lugar para controlar a actividade e movementos nestes establecementos, na zona de Camiño Real, rúa Tui e rúa Poeta Ramón Cabanillas cando foron requiridos por un cidadán con problemas no local situado na rúa Tui ás 8,00 horas.

O requirente relatou que no interior do local lle subtraeran a cazadora e, posteriormente, foi expulsado do mesmo, motivo polo cal axentes se entrevistaron cos responsables do pub e o requirente puido recuperar os efectos.

Os policías desprazados observaron que o interior do local estaba cheo de cabichas e había “un forte cheiro a tabaco”, destacaron as mesmas fontes, polo que se formulou denuncia por infracción sobre a lexislación por consumo de tabaco en establecementos públicos, sobre o encargado do establecemento.

Ao mesmo tempo, destaca a Policía, identificouse no lugar a un cidadán sobre o consta unha resolución de expulsión do país en vigor por tres anos, motivo polo que foi detido e trasladado a dependencias policiais, a efectos de facela efectiva.

A Policía Nacional destacou que “o dispositivo establecido na zona dá lugar a unha maior tranquilidade dos veciños”.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...