Un dos carrís de circulación da Autovía do Noroeste (A-6) no túnel de Pedrafita do Cebreiro, en sentido A Coruña, permanece cortado ao tráfico debido a que un camión, en plena marcha, perdeu o remolque do que tiraba a cabeza tractora, como consecuencia dunha avaría.

O accidente produciuse pasadas o once da mañá, á altura do quilómetro 431, en pleno túnel de Pedrafita do Cebreiro, cando o camión circulaba en sentido A Coruña.

Afortunadamente, a pesar do aparatoso que foi o sinistro, non houbo que lamentar danos persoais, porque nese momento ningún outro vehículo circulaba por detrás do camión, segundo explicaron fontes do Subsector de Tráfico da Garda Civil.

O carril dereito da autovía permanece pechado e o lugar no que quedou tirado o remolque debidamente sinalizado por parte da Garda Civil, á espera de que se produza a retirada do mesmo.