InicioLugo e contornaPiden 16 anos de prisión ao acusado de violar a unha menor...

Piden 16 anos de prisión ao acusado de violar a unha menor e retela á forza no seu coche en Lugo

O presunto violador e a vítima coñecéronse en 2014, mantiveron relacións sexuais e nos seus encontros consumían cocaína e cannabis.

PUBLICADA O

- Advertisement -

A Fiscalía pide 16 anos de prisión para un home acusado de violar a unha menor en Lugo en 2015 e meses despois retela no seu coche en contra da súa vontade. O caso pasará a xuízo o vindeiro xoves, 7 de novembro, ás 10,00 horas na sección segunda da Audiencia Provincial de Lugo.

Segundo o Ministerio Fiscal, o presunto violador e a vítima coñecéronse en 2014, mantiveron relacións sexuais e nos seus encontros consumían cocaína e cannabis. Ademais, el prometeulle unha cantidade de diñeiro que a moza nunca recibiu.

Máis adiante, a finais de 2015, volveron atoparse nun hotel e “dunha forma inesperada” o procesado penetrouna por vía anal sen o consentimento da menor. A pesar de que a menor se negou, o home “suxeitouna con forza ata esgotar o acto sexual”, relata o documento.

Despois de todo o sucedido, en marzo de 2016 o acusado atopouna camiñando mentres conducía por unha rúa de Lugo. Cunha pistola, “que non foi achada”, intimidouna e obrigouna a subir ao coche, no que permaneceu durante 15 minutos.

Ao final logrou escapar. Aproveitou o momento no que o acusado se baixou para entrar nun establecemento. Ao parecer, retívoa para “reprocharlle” que tivese comentando o sucedido “con outras persoas”, o que levou á nai da vítima a decatarse do que lle ocorreu á súa filla.

PENA DE PRISIÓN

Por todo, a Fiscalía pide 13 anos de prisión por un delito contra a liberdade sexual e outro tres por un delito de detención ilegal. Ademais, esixen unha orde de afastamento da menor e do seu domicilio de 200 metros, a prohibición de comunicarse con ela durante 10 anos e unha indemnización por danos morais de 6.000 euros.

Debido á “gravidade e a natureza dos delitos” cometidos polo presunto violador, o Fiscal solicita a execución completa da pena.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...