A Garda Civil detivo a dúas persoas, un veciño da Laracha e outro veciño de Arteixo, acusados de furtar dous vehículos en Lugo e Guitiriz.

Os feitos ocorreron entre os días 4 e 5 de outubro, cando os agora detidos supostamente subtraeron unha furgoneta na cidade de Lugo, a cal abandonaron en Guitiriz cando se lles acabou o combustible. Neste segundo municipio, furtaron un segundo vehículo.

Tras recibir as denucias, os axentes investigaron os feitos e concluíron coa identificación de dúas persoas como presuntos responsables destes furtos. Durante o rexistro das súas vivendas, localizaron nunha delas varios obxectos sustraidos na furgoneta furtada, polo que foron detidos.

Na mesma linea, un veciño de Melide está investigado como presunto autor dun delito de furto. Os feitos sucederon nun garaxe anexo a unha vivenda situada en Friol, de onde se subtraeu unha caixa de ferramentas e dous trades, valorados en 410 euros.