A Garda Civil imputou en calidade de investigado a un veciño de Abadín (Lugo) de 34 anos de idade por supostamente picar sete rodas dun camión valoradas en 2.500 euros.
O veciño está imputado por un delito de danos nun vehículo pesado e será investigado polo Xulgado número un de Mondoñedo (Lugo).
Por outra banda, a Garda Civil de Lugo tamén imputou en calidade de investigado a un cidadán de procedencia marroquí de 25 anos veciño de Vilalba como presunto autor dun delito de ameazas.
Os feitos ocorreron o pasado 23 de agosto nun establecemento de hostalaría da capital da Terra Chá, onde supostamente o investigado ameazou de morte cunha botella rota a un terceiro. Pasou a disposición xudicial.
Por último, a Garda Civil investiga a dúas veciñas de Rábade de 24 e 20 anos de idade como presuntas autoras dun delito de furto. Os feitos ocorreron na primeira quincena do mes de agosto nun supermercado de Guitiriz, cando tivo lugar un furto de mercadoría valorada en 200 euros.